الضرائب ام الزكاه ؟!

في موازنات الدول بشكل عام يوجد بند مهم في الايرادات العام للدوله وهي الضرائب .. 

في عديد من الدول تمثل الضرائب نسبه تفوق 75 % من الايرادات في النظم الرأسماليه 

والضرائب تكون بنسبه مئويه متدرجه من الدخل .... بمعني اذا كان راتبك كفرد 1000 يكون هناك ضرائب بنسبه مثلا 10 % وبالتالي انت تاخد 900 و الدوله تاخد منك 100 . ( ولنا حديث اخر عن الضرائب ان شاء الله ) 

المفترض من الضرائب انها تكون في مقابل الخدمات العامه التي توفرها لك الدوله . الدعم . انارة الشوارع . رصف الطرق . الامن . بمعني اخر الخدمات التي لاتدفع لها اموال . بالاضافه طبعا لرواتب موظفي الهيئات الحكوميه ... 

اذا الضريبه تدفع للخدمات العامه ... اما الخدمات الخاصه بك فتدفع لها الاموال .. 

الزكاه هنا تمثل شئ قريب من الضرائب . فالزكاه تمثل نسبه تدفعها من رأس مالك كل سنه للدوله لتقوم علي رعايتك وخدمتك .. 

الاثنين لهم نفس النتيجه . الفارق ان الضريبه لها نسبه اكبر بكثير الزكاه بالاضافه ان الضريبه علي الدخل والذي يكون عاده اكبر من رأس المال . 

ع المفهوم الاخلاقي . الضريبه يوجد من يتهرب منها لانه لا يوجد نظم عقابيه حقيقيه . اما الوازع الديني فيختلف في الزكاه لانها تمثل العلاقه الدينيه للفرد بالاضافه الي ان الممتنع من الزكاه يستحق ان يقاتل من الدوله ( موقف ابوبكر الصديق من مانعي الزكاه ) 

........

بالنسبه لصرف هذه الاموال .

الضرائب معروف اين تصرف 

اما الزكاه فلها مصارف شرعيه 

( الفقراء والمساكين والعاملين عليها والمؤلفة قلوبهم وفي سبيل الله وابن السبيل وفي الرقاب والغارمين ) .

الزكاه ليست هدفها خدمه الناس فقط بل ايضا مساعده اصحاب الضيق .. مثل ما يسمي اليوم بالمعونه الاجتماعيه 

.............. 

الزكاه نظام عادل ياخذ من الغني للفقير بما لا يضر الطرفين 

اما الضرائب فتاخذ منهم الاثنين لتخدمهم بشكل يفيد الغني اكثر من الفقير .. والله اعلي واعلم 

..............................

شركات تشغيل الاموال

في التسعينات من القرن الماضي ظهرت ما تسمي بشركات تشغيل الاموال
هذة الشركات كانت اشبه بشركات الاستثمار بالبورصة لكن الفرق ان اسنثماراتها كانت في المقام الاول في رؤوس اموال الشركات
يعني تاخد من الفرد الفلوس وتستثمرها في شركه ناجحة . ارباح الشركات دي في اخر السنه بتتوزع علي اصحاب رؤوس الاموال او اصحاب الاسهم . قريب من فكرة البورصة . لكن البورصة بتعتمد علي بيع وشراء الاسهم . يعني الربح مش من الشركة اللي اسهمها في البورصة انما من تداول الاسهم نفسها .
توزيع الارباح ليه اكتر من اليه . لكن في الغالب كانت بتتبع النظام الاسلامي اللي بيقوم علي نسبة من الارباح من غير تحديد مبلغ معين . يعني لو شركة التشغيل كسبت من كل المشاريع اللي استثمرت فيها مليون مثلا . بتوزع علي الناس علي حسب اللي هما دفعوه في الاجمالي وبيكون فيه اتفاق بين الشركة وصاحب المال ان الشركة ليها جزء معين بنسبة مئوية من الارباح .
 المجال نفسه لو مفيش اليات رقابة للشركات دي تكون فيه سهولة كبيرة جدا لعمليات غسيل الاموال والكسب الغير المشروع .. وده كان احد اسباب اغلاق الشركات دي في تسعينيات القرن الماضي .
اعتقد دلوقتي الشركات دي ممكن تكون حل قوي جدا لتشغيل وتشجيع الاقتصادات والنمو بيها بالاضافة لعملية التمويل اللي فيها شركات كتير بتحتاجها لكن بيحدها عن الموضوع الفوايد العالية جدا اللي بتكون علي القروض من البنوك ......

الزكاة
الزكاة طبعا من اساسيات الاسلام الصحيح
لكن السؤال الاهم ليه الزكاة ؟! عشان نحس بالفقير ويبقي فيه ترابط مجتمعي بس ؟!!!
اكيد لا .
الزكاة ليها فايدة اقتصادية كبيرة جدا
الزكاة هو مبلغ بتدفعه عن راس مالك او ممتلكاتك او فلوسك لما يعدي عليها سنة هجرية كاملة
طيب . انا مثلا معايا 100 الف جنيه علي سبيل المثال . عندي حل من اتنين يا اما احطهم في خزنة مثلا ... وفي الحالة دي ال 100 الف دول مش هيتغيروا . او انك تستثمرهم حتي لو بايداع في البنك
حاليا لو انا وانت وكمان الف واحد شالوا 100 الف دول ايه اللي هيحصل
كمية الفلوس اللي موجودة في السوق هتقل
وده بيخلي الحكومة تطبع فلوس جديدة عشان الفلوس مش تبقي قليلة . فالبتالي الاسعار بتزيد نتيجة طبيعية لاني طبعت فلوس جديدة
بتيجي ازاي دي ؟!!
انا دلوقتي لسه معايا ال 100 الف وانت برضه والحكومات مش تقدر تجبرك ان تستثمر فلوسك او تعمل بيها حاجة . انت حر فيها
فدا بيخلي فيه فلوس زيادة في السوق فالاسعار تغلي عشان توازن كمية الفلوس . ورجعنا تاني للتضخم ....
طب الاسلام عملنا ايه بالزكاة ؟!
انت دلوقتي بتدفع نص العشر من الفلوس اللي عدا عليها سنة هجرية
فدا بيخليك لو انت مهتم تستثمر فلوسك لو حاسس ان فلوسك هتنقص بالزكاة .. الحاجة التانية ان ده بيخلي كمية الفلوس اللي في السوق تعلي حتي لو بمعدل بسيط . فده بيمنع التضخم او حتي بيقلل منه لانك بتدخل فلوس بالتدريج للسوق .......
الحاجة الاخيرة ان الزكاة تعتبر زي نظام المعونات الاقتصادية والاقتصاد يقدر يقوم علي موضوع الزكاة بديل عن الضرائب وانظمتها المعقدة وفي نفس الوقت التلاعب فيها هيكون بسيط لان محدش عنده استعداد انه يتلاعب في حاجة من اصول الدين ...
والله اعلم

الربا 

النهاردة كلامنا بشكل بسيط عن الربا 

الربا بيساوي حاليا فايدة البنوك . وهو معناه اي زيادة عن اساسي المبلغ الاصلي 

يعني بالعامية لو استلفت منك الف جنيه مثلا ورجعتهملك الف وواحد يبقي ربا 

عشان انا دفعت زيادة عن حقي 

............

طيب واحد ممكن يقول ما انا راضي اني اخد مثلا القرض ده بربا او بفايدة . ليه الدين مانعها اصلا 

هو ايه اللي دخل الدين في الكلام ده . الدين ده بتاع المسجد وبس 

اقولك بسيطة 

الدين نزل عشان ينظملنا حياتنا وعشان متتعرضش لظلم حد . الربا بقي بيزود الاسعار في السوق 

ليه ؟؟!!!! 

لان الفايدة او الربا زيادة عن الاساسي فبالتالي بيكون فيه فايض عن الفلوس الموجودة في السوق لو اتكلمنا عن المستوي العام 

بالتالي الاسعار بتزيد .. هاديلك مثل بسيط 

واحد صاحب محل خد قر مثلا ب 20 الف وهيدفعه مثلا 21 الف بعد سنة 

هو في نفسه هيقول مادام انا هادفع كتير يبقي لازم ازود ربحي من المحل فبيغلي السعر .. الحاجات دي بتيجي من الشركات الكبيرة اللي بتنتج مش من البقال البسيط ..... 

فالدين بيحللنا موضوع زيادة الاسعار اللي بتتسمي بالتضخم في الاقتصاد 

والدليل علي ان ده الصح ان الدول الكبيرة بعد الازمة العالمية في 2008 و 2012 قررت انها تخفض اسعار الفايدة ..... وفيه دول وصلت الفايدة لصفر .... 

وعشان تعرف ان الاسلام بيهتم بيك كفرد . حرم الربا عشان يحافظ علي شقاك وتعبك في تحصيل الفلوس االلي انت كسبتها 

بالاضافة الي انه بيحميك من زيادة الاسعار .... 

.........

الكلام ده شرح وفهم شخصي مني وقابل طبعا للمناقشة ...... 

ويقوم مبدأ الزكاة في الاسلام علي اربعة فوائد بعد طاعة المولي عز وجل :
اولا : تحسين العلاقة بين الفقراء والاغنياء فالزكاة تدل علي الترابط والحب المتبادل بين اطياف المجتمع والاهتمام المتبادل بينهم 
ثانيا : ان يعرف المسلم الغني ان هذا المال الذي اكتسبه انما هو رزق من الله له وعليه ايفاء حق الله فيه بالجزء الذي يدفعه للزكاة . فعندما يعلم المسلم ان هذا المال الذي جمعه ليس ملكا له وحده انما للفقير حق فيه . يعلم هنا حقيقة ثابته وهي ان الله هو الرازق فقط .
ثالثا : حث المسلم الغني علي العمل وعدم التكاسل لان المال ينقص بمرور السنة الهجرية وينقص باحتياجاته فعليه ان يستمر بالعمل
رابعا : استقرار الوضع الاقتصادي والاسعار . فبعد دفع الزكاة يجد الغني ان المال الذي بحوزته قد قل وبهذا سيشعر بمعاناه الفقير حين ارتفاع الاسعار . وسيبحث عن حل مثل الفقير . واذا كان المجتمع كله بهذا النمط . سنجد انه لن يقوم احد بزيادة الاسعار او الاحتكار او غيره ليس فقط من باب الشعور بالاخرين وانما ايضا لخوفه من ذم وبغض باقي المجتمع له ........
فالهدف الاسمي من الزكاة هو ان تسير الدولة بشكل مستقر من الناحية الاقتصادية والاجتماعية وهو ما يعود علي الجانبين الامني والسياسي بالهدوء . ولكن لا يمكن نسيان ان الاصل في هذا كله هو حسن الادارة والتوزيع والتجميع .. والله أعلي وأعلم
..................................
من دراستي عن الدولة في الاسلام ...
المناقشة متاحة للاستفادة من الجميع ....

وكما قال الامام الغزالي عن ان علوم الصناعات فرض كفاية .. فتقوم علي مبدا غنا الدولة الاسلامية وعدم احتياجها الي الدول الاخري في اي مجال . وهذا يوصلنا الي مبدا مهم وهو الاستقلالية الاقتصادية وعدم التبعية موصلة الدولة الي الغني الذاتي وعدم التبعية السياسية فتتمكن الدولة من اتخاذ قراراتها الحاسمة بشكل ذاتي وبدون تبعية وخصوصا القرارات المتعلقة بالجهاد والحرب والسلام

تحريم الربا له فايديتين علي عامة الناس 
الاولي : تشجيع الناس علي العمل والكسب 
الثانية : حماية الفرد من سرقة وضياع مجهوده الذي قدمه في العمل ليكسب المال 
ثالثا : انه بيمنع التضخم اللي بيحصل ... يعني مفيش زيادة في الاسعار 

واحدة من أسس الرأسمالية هي ان الميزة التنافسية وهي ان الدولة تشتغل في الحاجة اللي هي بتبرع فيها ... 
انما الاسلام ليه نظام ممكن نستنبطه من كلام الامام الغزالي عن علوم الصناعات بانها فرض كفاية علي المجتمع و يأثم المجتمع ان لم يوجد فيه من يتقن هذه الصناعات بل ويكفل تحقيق التقدم للمجتمع في هذه المجالات 
اذن الاسلام هو الافضل للمجتمعات لتحقيق التقدم والاستقلالية ......

بيقولك فايدة البنك حرام 
وعشان محدش يقول فتي الفايدة هي أساس من أساسات الانهيارات الاقتصادية 
لما بتروح تحط وديعة في البنك انت عارف الفايدة اللي البنك بيدهالك بتيجي منين ؟
من حاجتين يااما استثمار يااما قروض . القروض بتبقي بفايدة عالية يعني ربا وسيبك منها دلوقتي . هنفترض بنك محترم مش بيدي قروض بفوايد ( مجرد افتراض )
انت بتحط فلوسك ويتفق معاك مثلا علي 5% نسبة . طب هو هيجيب النسبة دي منين ؟ ونفترض ان المشروع اللي هو حط فلوسي فيه خسر . ده خسارة علي البنك يعني انت بتضر البنك . ده في الاخر اسمه ولا تلقوا بايديكم الي التهلكة ..
سبب الازمة العالمية الاخيرة ان الناس اللي استلفت من البنوك مش قادرة تسد القروض . والبنوك عاوزة تدي الناس الفوايد والنسب اللي علي الودايع .. ده مش قادر يسد للبنك والبنك مش قادر يسد هو كمان ............. حد فهم حاجة ؟؟
ويبقي الحل في الاقتصاد الاسلامي .

الاشتراكية في الاقتصاد تعني : كل حاجة في ايد الدولة والمواطن لا يملك شئ يعني مفيش قطاع خاص كل حاجة وكل الشركات اللي موجودة في البلد قطاع عام 
الرأسمالية بقي بتقول ان الدولة ماتكونش تملك حاجة وكل حاجة في البلد ملك لمؤسسات قطاع خاص .. يعني الماية والكهربا والاكل و تسليح الجيوش كمان يجيي من شركات تصنيع أسلحة .. في كلا الحالتين الفرد هو الخسران سواء اذا طبقنا النظام الاشتراكي او الرأسمالي .............
ويبقي الحل هو الاقتصاد الاسلامي .........